ညွှန်ကြားရေးမှူးချုပ်၏ နှုတ်ခွန်းဆက်လွှာ

ပြည်တွင်းအခွန်များဦးစီးဌာန၏ (၅၂)နှစ်မြောက် နှစ်ပတ်လည်နေ့အခါသမယတွင် ဌာနအနေဖြင့် ခေတ်မီကောင်းမွန်သော အခွန်စီမံအုပ်ချုပ်မှုစနစ် ဖြစ်ထွန်းပေါ်ပေါက်ရေးအတွက် အခွန်ထမ်းပြည်သူများ အခွန်ဆိုင်ရာကိစ္စရပ်များကို ဆောင်ရွက်ရာတွင် လွယ်ကူအဆင်ပြေစေသော နည်းပညာအသုံးပြုအခွန် ဝန်ဆောင်မှုများအား အသုံးပြုနိုင်ရန် အစွမ်းကုန်ကြိုးပမ်းဆောင်ရွက်လျက်ရှိသည့်နည်းတူ အခွန်ထမ်း ပြည်သူများအနေဖြင့်လည်း နိုင်ငံတော်အတွက် အခွန်ဘဏ္ဍာငွေများကို ပြဋ္ဌာန်းထားသည့် အခွန် ဥပဒေများနှင့်အညီ လိုက်နာပေးဆောင်ကာ ဝိုင်းဝန်းပူးပေါင်းဆောင်ရွက်ကြသည့်အတွက် အထူးပင် ကျေးဇူးတင်ရှိပါကြောင်း မှတ်တမ်းတင်ဂုဏ်ပြုအပ်ပါသည်။

          ပြည်တွင်းအခွန်များဦးစီးဌာနအနေဖြင့် ခေတ်အဆက်ဆက် နိုင်ငံတော်အတွက် လိုအပ်သော အခွန်ဘဏ္ဍာငွေများရရှိရေးအတွက် ကြိုးပမ်းဆောင်ရွက်ခဲ့ကြသော ဝန်ထမ်းများနှင့် အခွန်ထမ်းပြည်သူ များအား အသိအမှတ်ပြုပါကြောင်းနှင့် အခွန်ထမ်းပြည်သူအပေါင်း ကိုယ်စိတ်နှစ်ဖြာ ကျန်းမာချမ်းသာ၍ စီးပွားရေးလုပ်ငန်းများ အောင်မြင်စွာ ဆက်လက်ဖွံ့ဖြိုးတိုးတက်ပါစေကြောင်း ပြည်တွင်းအခွန်များ ဦးစီးဌာန ဝန်ထမ်းများ၏ကိုယ်စား ဆုတောင်းမေတ္တာပို့သအပ်ပါသည်။

ညွှန်ကြားရေးမှူးချုပ်

ပြည်တွင်းအခွန်များဦးစီးဌာန